Grunnskólar - 2012

Sumarnámskeið SR munu hefjast 18. júní. Þau munu verða með svipuðu sniði eins og síðustu ár en námskeiðin síðasta sumar nutu mikilla vinsælda. Kennarahópurinn verður svipaður, þar verða bæði landsliðsmenn og reyndir kennarar.

Donika Kolica sigraði með fullu húsi á meistaramóti Hólabrekkuskóla í Breiðholti, sem fram fór í dag. Donika sigraði í öllum 7 skákum sínum, og lagði m.a. Dag Kjartansson, besta skákmann skólans til margra ára.

Reykjavíkurmótið í Skólaskák fer fram laugardaginn 28. apríl og verður teflt í Sjóminjasafninu.

Meistaramót skólanna eru nú framundan. Þau fara fram fyrstu vikurnar eftir páska þegar teflt verður um meistaratitil hvers skóla. Skólamótin eru reyndar þegar hafin í nokkrum skólum.

Íslandsmót barnaskólasveita fer fram nú um helgina í Rimaskóla.

Teflt verður klukkan 11:00 á laugardag og 13:00 á sunnudag.

Skákakademían er byrjuð með skákkennslu í Norðlingaskóla. Mikill skákáhugi er meðal skólastjórnenda en Siv Vígþórsdóttir skólastjóri var einu sinni skólastjóri á Hallormsstað þar sem mikið skáklíf blómstraði.