Grunnskólar

Kennsla Skákakademíu Reykjavíkur í Hólabrekkuskóla hefur gengið með eindæmum vel þennan veturinn. Stefán Bergsson sinnir kennslunni en það er ekki síst Birnu Halldórsdóttur að þakka hversu vel hefur gengið. Sem dæmi um framtakssemi Birnu má nefna kökubasar sem haldinn var um daginn til styrktar skákstarfi skólans. Söfnuðust fleiri tugir þúsunda og verður allur ágóðinn nýttur í að kaupa skákklukkur handa skólanum. Sveitir skólans hafa náð verðlaunum í sveitakeppnum og meðlimir sveitarinnar látið að sér kveða í skólaskákinni og má þar helst nefna Dag Kjartansson í eldri flokki og Heimi Pál Ragnarsson í yngri flokki. 

Lokdagur Skólaskákmóts Reykjavíkur var æsispennandi en úrslit í báðum flokkum, eldri (8-10.bekkur) og yngri (1-7.bekkur) réðust í einvígum. Örn Leó Jóhannsson úr Laugalækjaskóla varð Skólaskákmeistari Reykjavíkur í eldri flokki og Dagur Ragnarsson úr Rimaskóla bar sigur úr býtum í yngri flokki.

Skólaskákmót Fossvogsskóla 2010 var haldið þriðjudaginn 20. apríl. Á mótið voru mættir ungir skákmenn sem hafa allir teflt fyrir skólans hönd á þessum vetri. Þeir hafa allir verið duglegir að mæta á skákæfingar í Fossvogsskóla sem eru haldnar á vegum Skákakademíu Reykjavíkur í samstarfi við skólann.

Á haustönn 2009 hefur kennsla verið í gangi í 18 grunnskólum í Reykjavík og hefur starfið gengið afskaplega vel. Fyrirkomulagið er mismunandi eftir hverjum skóla fyrir sig og er í raun má segja að starfið sé aðlagað að þörfum skólans. 

Skákkennsla í nokkrum skólum í Grafarvogi hófst á vorönn 2009. Kennsla fór fram í Borgaskóla, Engjaskóla, Korpuskóla og Víkurskóla. Þess má geta að í Korpuskóla og Víkurskóla hafði aldrei áður verið skipulögð skákkennsla í gangi og því var það einkar spennandi að hefja kennslu þar. Skólastjórarnir voru mjög jákvæðir gagnvart verkefninu og það var ánægjulegt að hefja kennsluna í vinalegu og uppbyggilegu andrúmslofti. Kennslan var með ólíku sniði innan skólanna og ákveðin í samráði og samvinnu við skólastjórnendur og kennara. Til að byrja með voru skráningarlistar látnir ganga í bekki til að kanna áhugann hjá krökkunum.

Það voru miklar væntingar gerðar til Skákakademíu Reykjavíkur við stofnun hennar fyrir tæpu ári. Hrafn Jökulsson skákfrömuður hafði barist fyrir þessu hugsjónarmáli sínu og öðlast fullan skilning borgarfulltrúa og forráðamanna öflugra fyrirtækja fyrir verkefninu. Skákstarf í skólum borgarinnar skyldi endurvakið og viðburðir eins og  Reykjavík Open haldnir árlega.

Skákakademía Reykjavíkur hóf skákkennslu í Ísaksskóla snemma í haust. Viðbrögð skólastjórnenda voru framúrskarandi jákvæð strax í byrjun og því hófst starfið af krafti. Skráningarlistar voru látnir ganga í bekkjum skólans og að lokinni skráningu höfðu rúmlega 100 krakkar skráð sig í skáktíma. Í ljósi þessa mikla áhuga var brugðið á það ráð að skipta nemendunum upp í þrjá hópa og hefur undirritaður því mætt þrisvar í viku í skólann í allan vetur og frætt 5-9 ára gamla krakka um leyndardóma skáklistarinnar.

Meistaramót Melaskóla fór fram 14.nóvember í hátíðarsal skólans. Skráningarblöð í mótið höfðu gengið um stofur skólans undanfarna viku og þegar upp var staðið höfðu 86 krakkar í 4-7.bekk skráð sig til leiks. Sannarlega glæsileg þátttaka.

Fimmtudaginn 13.nóvember fer fram Meistaramót Melaskóla í 1-7.bekk. Í vetur hefur Aron Ingi Óskarsson séð um skákkennslu í skólanum á vegum Skákakademíu Reykjavíkur við góðan orðstír og í framhaldi af því þótti liggja beint við að krýna skákmeistara skólans með viðhöfn.