Námskeið hafin - Fréttir

Í sumar stendur Skákakademían fyrir námskeiðum fyrir bestu skákkrakka Reykjavíkur. Sá háttur var hafður á að þeim krökkum sem skarað hafa fram úr í vetur var sérstaklega boðið á námskeiðin. Um 50 krökkum var boðið og þáðu nær allir boð Akademíunnar. Þessir úrvalsnemendur eru frá 6-16 ára gamlir og er þeim skipt í 5 hópa. Mætir hver hópur 2 í viku í 1.5-2 klukkutíma í senn.

Ásamt því að taka þátt á námskeiðunum munu krakkarnir tefla á skákmótaröð Skákakademíunnar sem verður kynnt síðar í þessum mánuði.

Kennslu á námskeiðunum annast Stefán Bergsson og Björn Þorfinnsson. Síðar í sumar mun svo Hjörvar Steinn Grétarsson koma að þjálfun elsta úrvalshópsins.