Fréttir - 2011

Metþátttaka var á Jólaskákmóti TR og SFS sem haldið var í byrjun desember. 34 sveitir mættu til leiks sem er alger sprenging á þessu 30 ára gamla móti.

Fjöltefli Friðriks Ólafssonar í Hörpu við meistara framtíðarinnar heppnaðist frábærlega. Friðrik, sem verður 77 ára í janúar, sýndi leiftrandi taflmennsku í mörgum skákum, en krakkarnir sýndu líka hvað í þeim býr.

Friðrik vann 8 skákir, gerðir 4 jafntefli og tapaði einni, fyrir Degi Ragnarssyni, 14 ára nemanda í Rimaskóla.

  Friðrik Ólafsson, fyrsti stórmeistari Íslandssögunnar, teflir fjöltefli við nokkur efnilegustu börn og ungmenni landsins í Hörpu laugardaginn 3. nóvember klukkan 13.

Leifur Þorsteinsson og Veronika Steinunn Magnúsdóttur eru byrjað að kenna skák í Melaskóla. Þau eru fyrrum nemendur skólans.

 Vinaskákmót á mánudaginn

Vinafélagið og Skákakademía Reykjavíkur standa fyrir skákmóti í Vin, Hverfisgötu 47, mánudaginn 14. nóvember klukkan 13. Tefldar verða 6 umferðir með sjö mínútna umhugsunartíma. Vegleg verðlaun eru í boði frá velunnurum Vinjar.

Stefán Bergsson er byrjaður að blogga um allt sem við kemur skák á www.dv.is

Nýlega hófust skákæfingar fyrir börn og unglinga í KR-heimilinu Frostaskjóli. Skákakademía Reykjavíkur og Skákdeild KR standa fyrir æfingunum. Fjölmargir áhugasamir krakkar hafa látið sjá sig og eru þeir flestir nemendur 3. bekkjar í grunnskólum Vesturbæjar en skák er á stundatöflu í öllum þriðju bekkjum Vesturbæjar.  Mæting á æfingarnar hefur verið góð, 10-20 krakkar á hverri æfingu, og áhuginn og gleðin skín úr hverju andliti.

Vaskur hópur tók sæti í stjórn Vinafélagsins, sem stofnað var á fimmtudagskvöld. Tilgangur Vinafélagsins er að standa vörð um og efla samfélagið í Vin, athvarfi Rauða krossins fyrir fólk með geðraskanir við Hverfisgötu. Þangað koma árlega mörg hundruð einstaklingar, sem líta á Vin sem griðastað. Lokun vofir yfir athvarfinu, en því ætlar Vinafélagið að breyta.

Skákmenn úr Vin og Skákfélagi Selfoss háðu æsispennandi keppni þegar heimildarmyndin Bobby Fischer gegn heiminum var sýnd á RIFF, alþjóðlegu kvikmyndahátíðinni, í Bíó Paradís á sunnudaginn. Tefld var slembiskák (Fischer Random) en það er afbrigði skákarinnar sem Fischer heitinn þróaði og er við hann kennt. Skákakademía Reykjavíkur stóð að viðburðinum í samvinnu við RIFF.
 

Í dag, mánudaginn 5. september, fór fram kennsla í fjórum skólum á Reykjavíkursvæðinu. Þetta voru Selásskóli, Dalskóli, Fellaskóli og Breiðagerðisskóli. Í öllum þessum skólum fór kennsla fram hjá 3. bekk en flestir skólar Reykjavíkursvæðisins bjóða 3. bekkingum sínum upp á skákkennslu inni á stundatöflu. Nemendur eru mjög áhugasamir að kynnast leyndardómum skáklistarinnar og bætast þeir því í hóp þeirra fjölmörgu barna sem nú þegar hafa lært skák hjá skákkennurum Skákakademíunnar.

Valsmenn unnu sannfærandi sigur á Iceland Express mótinu - Reykjavíkurmóti íþróttafélaga í skák sem fram fór í dag á Hlíðarenda.  Lið Valsmanna, sem skipað var fjórum Íslandsmeisturum, hlaut 16 stig af 18 mögulegum, aðeins Framarar sem náðu jafntefli gegn stórveldinu og samtals 24 vinninga að 28 mögulegum .  Þróttarar urðu aðrir með 16 stig og óhætt er að segja að það hafi verulega á óvart.  Þróttarar lögðu t.d. Framara og KR-inga sem fyrirfram voru taldir hafa mun sterkara lið.  KR-ingar urðu þriðju, Víkingar urðu fjórðu og Framarar enduðu í fimmta sæti.

Valsmenn eru á vængjum þöndum á Iceland Express mótinu - Reykjavíkurmóti skákfélaga sem nú er í gangi á Hlíðarenda.  Víkingar og Leiknir voru báðir lagðir 4-0.  Á sama tíma náðu Fylkismenn óvæntu jafntefli gegn Frömurum.  Lið Vals skipa fjórir Íslandsmeistarar: Héðinn Steingrímsson, Helgi Ólafsson, Jón L. Árnason og Jón Viktor Gunnarsson.

Viðureign Vals og Frams er beðið með mikilli eftirvæntingu en hún fer fram í sjöttu og næstsíðustu.  Áhorfendur eru hvattir til að fjölmenna.

Skákmenn klæðast keppnistreyjum:

Iceland Express Reykjavíkurmótið á laugardaginn!
Keppnislið frá íþróttafélögunum í höfuðborginni mætast á laugardaginn á Iceland Express Reykjavíkurmótinu í skák. Fjögurra manna lið keppa um sigurinn, og munu margir bestu og efnilegustu skákmenn landsins klæðast keppnistreyju síns félags.

Iceland Express Reykjavíkurmótið fer fram í Valsheimilinu að Hlíðarenda og hefst klukkan 13. Mótið er liður í Hverfishátíð miðborgar og Hlíða, og er búist við fjöri og fjölmenni.

Kennsla hófst í dag, þriðjudaginn 23. ágúst, í þremur skólum Reykjavíkursvæðisins. Þetta voru Foldakóli, Borgaskóli og Rimaskóli. Á þessu skólaári mun Skákakademía Reykjavíkur kenna skák í 33 skólum á Reykjavíkursvæðinu. Nemendur skólanna í morgun voru virkilega áhugasamir að hitta skákkennarana og fylgdust spenntir með þegar skákkennslan hófst.

 Það verður opið hús hjá Skákakademíu Reykjavíkur Tjarnargötu 10a á menningarnótt.

Ýmsir skemmtilegir og léttir atburðir fyrir alla skákmenn, skákáhugamenn og fjölskyldur þeirra.

Dagskráin hefst 13:00 og stendur til 21:00.

Meðal viðburða má nefna klukkufjöltefli stórmeistara við grunnskólasveit Rimaskóla, Reykjavíkurmótið í leifturskák (1 mín. Á hvern keppenda), hraðskákeinvígi Stefáns Kristjánssonar og Nansý Davíðsdóttur, Hrafns Jökulssonar og Ingu Birgis og Guðlaugar Þorsteinsdóttur og Donika Kolica, sýningu á skákborði frá einvígi Fischers og Spassky, skákbókasölu, skáksettasölu, kynning á víkingaskák, skákmót Máta, velunnarar Skákakademíunnar heiðraðaðir o.fl.

Söfnunin um helgina gekk vonum framar. Söfnunin fékk mikla umfjöllun í fjölmiðlum og krakkarnir eru hetjur. Þau eru hetjur eins og börnin í Sómalíu sem eru sigurvegarar helgarinnar en handa þeim safnaðist tæp milljón króna.

Eins og alla morgna í sumar var kátt á hjalla í Skákakademíunni þennan morguninn. Björn Ívar fór yfir fræðin af mikilli festu og fengu svo krakkarnir góða heimsókn um miðjan tímann. Var þar kominn Þórir Guðmundsson frá Rauða Krossi Íslands.

Helgina 6. til 7. ágúst standa Skákakademía Reykjavíkur og Skáksamband Íslands fyrir maraþonskák í Ráðhúsi Reykjavíkur. Þar munu mörg efnilegustu börn og unglingar landsins tefla við gesti og gangandi. Mótherjar krakkanna borga upphæð að eigin vali, sem rennur beint í söfnun Rauða kross Íslands vegna hinnar hræðilegu hungursneyðar í Sómalíu.

Skák út um allt er nú í fullum gangi. Átakið snýst um að skákvæða Reykjavík á þann háttinn að taflsett verði á sem flestum stöðum í borginni svo borgarar geti gripið í tafl hvenær sem er.

Skákakademía Reykjavíkur í samstarfi við Skáksamband Íslands hefur hrundið af stað átakinu Skák út um allt. Með átakinu er ætlað að skákvæða sem flesta almenningsstaði í borginni. Er þá sérstaklega litið til sundlauga, kaffihúsa, þjónustumiðstöðva og íþrótta- og dvalarheimila.

Mikið er um að vera þessa vikuna í skáklífi Reykjavíkur. Á mánudag var sett þátttökumet á Skákmóti í Vin og í hádeginu í dag mætti vel á þriðja tug keppenda í Skákakademíuna þar sem fór fram annað Sumarskákmót Skákakademíunnar. Seinni partinn á morgun stendur svo Taflfélag Reykjavíkur fyrir skák á Klambratúni.

Skákakademía Reykjavikur tefldi Hjörvari Steini Grétarssyni, nýkomnum frá Búdapest með áfanga að Alþjóðlegum titli í vasanum, fram gegn þeim sem þorðu við útitaflið þann 17.júní.

 Vel á þriðja tug manns mætti í Skákakademíuna á fallegu föstudagssíðdegi í þeim tilgangi að gæða sér á ljúffengum ávöxtum og grípa í tafl. Viðburður þessi markaði upphaf sumarstarfssemi Skákakademíunnar en í sumar verða um 50 krakkar á námskeiðum í Tjarnargötunni.

Hvað eiga skák og súpa sameiginlegt? Jú, nefnilega súpuskák! Í framhaldi af þessari uppgötvun var blásið til mótsins Súpuskák 2011. Á hinum bjarta og fallega mánudegi 30. maí mættu hinir ýmsu skákmenn í Skákakademíuna, þáðu súpu hjá Róberti Vert Lagerman og gripu í tafl. Þar sem flestir keppendur voru bundnir við vinnu eftir hádegi var mótið snarpt; fimm umferðir hraðskák.

Skákkennsla í leikskólum Reykjarvíkurborgar, hefur nú staðið í þrjú ár. Óhætt er að segja að þetta verkefni hefur slegið all hressilega í gegn, hjá krökkunum, starfsfólki leikskólanna, og foreldrum barnanna.

Hið árlega sumarskákmót Fjölnis verður haldið í Rimaskóla laugardaginn 7. maí og hefst kl. 11:00.   Öllum grunnskólanemendum stendur til boða að taka þátt í þessu skemmtilega skákmóti.  Tefldar verða sex umferðir og umhugsunartíminn er sjö mínútur.

Skólaskákmót Reykjavíkur í eldri og yngri flokki var haldið í Taflfélagi Reykjavíkur á laugardaginn.
 Teflt var um 3 sæti á Landsmóti í eldri flokki og tvö sæti í yngri flokki.
 Báðir titlarnir fóru á kunnuglegar slóðir; Þeir félagar úr Rimaskóla Dagur Ragnarsson og Oliver Aron Jóhannesson voru öruggir sigurvegarar og báru af í sínum flokkum. Drengirnir tveir eru í svakalegri framför eins og stigahækkanir þeirra á nýjum lista sýna.
 

Það var kátt á hjalla í Skákakademíunni á miðvikudagskvöldið. Eins og venjulega á miðvikudagskvöldum var opið hús. Þemað í þetta skiptið; bíó og bækur.

  Sigurbjörn Björnsson skákbókasali mun senn fá afar spennandi skákbækur í hendurnar. Til viðbótar við þá fjölmörgu titla sem hann hefur nú þegar til sölu.  Í tilefni af þessu mun Skákakademía Reykjavíkur og Sigubjörn standa fyrir bókakvöldi í Skákakademíunni miðvikudagskvöldið 27. apríl.

Landsliðsflokkur hefst senn á Austurlandi - teflt verður á Eiðum. Flokkurinn er vel skipaður tíu af sterkustu skákmönnum landsins. Þrír stórmeistarar og þrír alþjóðlegir meistarar munu mæta til leiks og einn af þeim ákvað að hita upp í Skákakademíunni.

Þeir 36 skákkrakkar sem dvöldu í skákbúðum Fjölnis og Skákakademíu Reykjavíkur helgina 9. og 10. apríl komu til baka sælir og þreyttir eftir stórskemmtilega og gagnlega dagskrá sem ekkert hlé var gert á nema yfir blánóttina. Skipulagið gekk út á skákkennslu og frjálsan leik við iþróttir og leiki í þessum sælureit sem sumarbúðir KFUM í Vatnaskógi eru. Skákkrakkarnir sem voru með í för voru á aldrinum 7 - 14 ára og mynduðu þau einn æðislegan hóp að mati okkar fararstjóranna, Helga Árnasonar frá Fjölni og Stefáni Bergssyni og Andreu M. Gunnarsdóttur frá Skákakademíu Reykjavíkur.

Veronika Steinunn Magnúsdóttir varð um helgina í 3. sæti á NM stúlkna sem fram fór í Danmörku. Veronika tefldi í flokki stúlkna fæddar 1998 og síðar. Veronika tefldi einnig í þessum flokki á NM stúlkna 2010 sem þá fór fram á Íslandi. Veronika endaði þá um mitt mót.

Sigrum Rimaskóla fjölgar; Reykjavíkurmeistaratitill nú staðreynd. Sigur þeirra á Reykjavíkurmóti grunnskólasveita 2011 var afar öruggur. Sveitin missti aðeins niður 2.5 vinning af 28 mögulegum og fékk því alls 25.5 vinning. Sveitin var nær eins skipuð og á Íslandsmóti grunnskólasveita sem fór fram nýlega. Sveitina leiddi Dagur Ragnarsson, á öðru borði Oliver Aron Jóhannesson, á þriðja borði Jón Trausti Harðarson og á því fjórða Kristinn Andri Kristinsson.

 

 

Rétt á fimmta tug sveita tók þátt á Íslandsmóti barnaskólasveita sem fram fór í Rimaskóla um helgina. Að loknum fyrri keppnisdegi voru heimamenn í a-sveit Rimaskóla með nauma forystu á Álfhólsskóla - áður Hjallaskóla, og báru þessar sveitir af öðrum sveitum. Sveitirnar höfðu mæst í 5. umferð og skilið jafnar eftir hörkuviðureign. Í sjöttu og sjöundu umferð  má segja að úrslit mótsins hafi ráðist. .

Það var fjölskrúðugur hópur skákmanna- og kvenna sem lagði leið sína í Skákakademíuna í kvöld. Ungir og efnilegir krakkar í þjálfun hjá Akademíunni, þrír forsetar og framkvæmdastjóri, Grænlandsfarar og skákdrottningar svo sitthvað sé nefnt.

Áhugasömum skákkrökkum á barna-og unglingsaldri sem æfa með íslenskum skákfélögum stendur til boða tveggja daga æfinga- og skemmtiferð á vegum Skákdeildar Fjölnis og Skákakademíu Reykjavíkur. Skákbúðirnar verða í sumarbúðum KFUM í Vatnaskógi. Í skákinni skiptir aldur litlu máli. Umsjón og fararstjórn verður á höndum þeirra Helga Árnasonar formanns Skákdeildar Fjölnis og Stefáns Bergssonar framkvæmdastjóra Skákakademíunnar.

 

Nýverið hélt Skákakademían hraðskákmótið Stelpuskák í tengslum við Reykjavíkurskákmótið. Á mótinu tefldu meðal annars okkar sterkustu og efnilegustu skákkonur. Jóhanna Björg Jóhannsdóttir sigraði glæsilega á því móti eftir að hafa lagt að velli þrælsterkar skandinavískar skákkonur. Skákakademían hyggst láta kné fylgja kviði og mun nú hefja stelpuæfingar á föstudögum.

Taflfélagið Mátar er ungt félag á mikilli uppleið. Þannig hefur félagið komist upp um þrjár deildir á þremur árum. á næsta ári mun liðið tefla meðal þeirra bestu og verður spennandi að sjá hvernig þeim Mátapiltum mun ganga að takast á við erlenda ofurstórmeistara og undrabörn. Heyrst hefur að þeir hyggist styrkja sig fyrir komandi átök en hvað er hæft í þeim gróusögum skal framtíðin ein láta í ljós.

 

 

A-sveit Rimaskóla varð um liðna helgi Íslandsmeistari grunnskólasveita. Sigur skólans var einkar glæsilegur; aðeins 1.5 vinningur tapaðist. Helsti keppinautur skólans var Salaskóli, og ekki í fyrsta skipti sem þessir erkifjendur berjast um sigur í sveitakeppni.

Það voru átta efnilegustu skákkrakkar Reykjavíkur og nærsveita sem mættu í Ráðhús Reykjavíkur í gær. Tilefnið var úrslit í Reykjavík Deloitte Barnablitz - sem er árlegt hraðskákmót yngri kynslóðarinnar skipulagt af Skákakademíu Reykjavíkur með fulltingi taflfélaganna hér í borg. Úrslit mótsins komu ekki á óvart; unglingalandsliðsmaðurinn og Rimskælingurinn Oliver Aron Jóhannesson úr Fjölni lagði alla sína andstæðinga að velli og það á glæsilegan hátt.  

Síðasta úrtökumótið fyrir Deloitte Reykjavík Barnablitz fór fram miðvikudaginn 2. mars í Skákakademíunni. Flestir sterkustu skákkrakkar Reykjavíkur og nágrennis sem höfðu ekki unnið sér inn þátttökurétt voru mætt til þess að tefla um síðasta sætið. Mótið var nokkuð jafnt og allir að vinna alla ef svo má að orði komast.

Skákakademían stóð í dag fyrir skákkynningu í Vogaskóla. Skákkynningin var í samstarfi við Skákskóla Íslands en Þröstur Þórhallsson hélt fyrirlestur fyrir nemendur unglingadeildar um undirstöðuatriði skáklistarinnar. Það voru nær 50 nemendur sem hlýddur á fyrirlestur Þrastar og vöktu nokkur ungmenni athygli fyrir laglegar lausnir á þeim skákþrautum sem lagðar fyrir þau.

Skákakademían stóð fyrir skákkynningu í Suðurhlíðarskóla í dag. Suðurhlíðarskóli er lítill einkarekinn skóli sem stendur í fallegu umhverfi í suðurhlíðunum. Nemendur er ekki nema rétt rúmir fjórir tugir og mættu þeir nánast allir á skákkynninguna í dag.

Um helgina var mikið um að vera meðal efnilegustu skákstúlkna landsins þegar Íslandsmót grunnskóla í stúlknaflokki og Íslandsmót stúlkna einstaklingskeppni fóru fram laugardag og sunnudag. Ungar og bráðefnilegar stúlkur úr Rimaskóla komu, sáu og sigruðu alla þessa þrjá Íslandsmeistaratitla.

Skákakademían hefur hafið kennslu í Dalskóla í Úlfarsárdal. Dalskóli var stofnaður síðastliðið haust og er í senn grunnskóli, leikskóli og frístundamiðstöð. Frá stofnun skólans hafa skólastjórnendur sýnt skákkennslu mikinn áhuga.