Fréttir - 2010

Aðalfundur Skákakademíu Reykjavíkur fór nýverið fram.

 Á fundinum var kosin ný stjórn Skákakademíunnar.

Óttar Proppé tók við stjórnarformennsku af Júlíusi Vífli Ingvarssyni.

 

Sumarnámskeiðum Skákakademíunnar lauk fyrir 2 vikum. Fullyrða má að þeir 40 nemendur sem sóttu námskeiðin hafi sjaldan eða aldrei verið jafn vel undirbúnir í harðan skákvetur eins og nú er raunin.

Nú eru námskeið sumarsins hálfnuð og gott betur en það. Námskeiðin standa yfir í 10. vikur og nú er 6. vikan í gangi. Á námskeiðunum eru 5 flokkar; Unglingaflokkur, laugamelaflokkur, strákaflokkur, stelpuflokkur og barnaflokkur. Laugamelaflokkurinn dregur nafn sitt af Laugalækjarskóla og Melaskóla; uppistaðan í þeim hópi er skipuð efnilegum skákmönnum  úr þessum sterku skákskólum.

Þriðja mótið í sumarmótaröð Vinnuskólans og Skákakademíunnar fór fram síðastliðinni miðvikudag. Veðrið ákvað að skarta ekki sínu fegursta í þetta skiptið en þrátt fyrir það mættu 37 keppendur til leiks. Þegar yfir lauk höfðu 39 keppendur spreytt sig því tveir erlendir ferðamenn komu aðvífandi í lok mótsins og fengu að spreyta sig í síðustu umferðunum. 

Annað sumarmót Vinnuskóla Reykjavíkur og Skákakademíu Reykjavíkur fór fram miðvikudaginn 23. júní síðastliðinn við útitaflið í Lækjargötu. Mótið hófst kl.12.30 og voru tefldar fimm umferðir með 7 mín. umhugsunartíma. Veðrið var frábært sól og blíða og gátu mótshaldarar ekki beðið um betra veður. Alls tóku 34 skákmenn þátt í mótinu sem er aukning frá vikunni áður og verður að teljast magnað. Til leiks voru mættir margir gríðarlega sterkir skákmenn eins og Róbert Lagerman, Bragi Þorfinnsson og Davíð Kjartansson. Að vanda voru meirihluti skákmanna og kvenna á mótinu ungir og efnilegir.

Sigurbjörn Björnsson er flestum skákmönnum vel kunnur. Hann hefur í yfir áratug verið einn af sterkari og virkari skákmönnum Íslands og náð góðum árangri á mótum innanlands, t.d. Skákþingi Reykjavíkur sem hann hefur unnið oftar en einu sinni. Síðastliðinn vetur hóf Sigurbjörn innflutning á skákbókum, við sérstaklega góðar undirtektir skákheims.

Fréttadeild Skákakademíunnar tók bóksalann tali.

Í sumar stendur Skákakademían fyrir námskeiðum fyrir bestu skákkrakka Reykjavíkur. Sá háttur var hafður á að þeim krökkum sem skarað hafa fram úr í vetur var sérstaklega boðið á námskeiðin. Um 50 krökkum var boðið og þáðu nær allir boð Akademíunnar.

Laugardaginn 15. maí fór fram skákmótið Vesturbæjarbiskupinn og var teflt í safnaðarheimili Neskirkju. Mótið var fyrst haldið í fyrra og fór því nú fram í annað sinn. Að þessu sinni voru um 40 skákmenn mættir til leiks á aldrinum 6-16 ára og var teflt í fjórum flokkum. Skákmennirnir eiga það allir sameiginlegt að koma úr Vesturbænum og er Vesturbæjarbiskupinn 2010 enn ein staðfesting á þeim rísandi skákáhuga sem er vestur í bæ.

Í gær fór fram fjölskylduhátíð hjá foreldrafélagi Selásskóla. Meðal atriða á hátíðinni var fjöltefli Hjörvars Steins við þá nemendur Selásskóla sem hafa verið á skákæfingum Skákakademíunnar í vetur. 20 nemendur tóku þátt í fjölteflinu og var meirihlutinn af þeim í öðrum bekk.

 

Þá er vetrarstarfi Skákakademíunnar smám saman að ljúka. Kennslu er lokið í nokkrum skólum og fáeinar kennslustundir eftir í öðrum. Í sumar mun Akademían vera með skákkennslu fyrir krakka á aldrinum 5-16 ára og mun áherslan vera á þá sem skarað hafa fram úr í starfi Skákakademíunnar og taflfélaga borgarinnar í vetur. Stefnt er að því að skipulag sumars verði klárað fyrir helgi.

 

 

Þá er næst síðasta degi Landsmóts lokið. Það er ekki hægt að segja annað en að spennan sé gríðarleg fyrir síðustu tvær umferðirnar sem tefldar verða á morgun. Í yngri flokki eiga fjórir skákmenn möguleika á sigri og í eldri flokki fimm skákmenn!

Þá eru línur að nokkru farnar að skýrast á Landsmótinu í skólaskák. Þeir sem fyrirfram voru taldir líklegir sigurvegarar eru í báðum flokkum smám saman að skera sig úr. Í eldri flokki samanstendur toppurinn af Mikaeli Jóhanni, Erni Leó, Emil Sigurðarsyni og Nökkva Sverrissyni. Mikael Jóhann er búinn með nokkuð sterkt prógramm og nýtur þess að hafa einn unnið Örn Leó. Örn vann mikilvægan sigur í dag á Páli Andrasyni þegar sá síðarnefndi sá sig nauðbeygðan til að gefast upp eftir 12 leiki.

Landsmótið í skólaskák hófst með pompi og prakt í Skákhöllinni í Faxafeni 12 í gær. Fulltrúar víðsvegar af landinu voru mættir til leiks og var mikil spenna í loftinu.

Skáklistahátíð leikskólabarna er nú í fullum gangi í Ráðhúsi Reykjavíkur. Skáklistahátíðin er haldin af Skákakademíunni sem hefur sl. 2 ár staðið fyrir kennslu í 4 leikskólum höfuðborgarinnar undir handleiðslu Róberts Lagerman skákmeistara.

 

Keppni um Reykjavíkurmeistaratitil barna í hraðskák fór fram sunnudaginn 28.febrúar. Sextán keppendur öttu kappi í tveimur 8 manna riðlum og tefldu sigurvegararnir í  hvorum riðli fyrir sig til úrslita um titilinn en þeir sem urðu  í öðru sæti í riðlunum tefldu einvígi um þriðja sætið.